الحظ الرديء
مش عارف بالضبط إيش هم مستقصديني و لا مستقصديني و لا يمكن مستقصديني … واحدة من هالثلاثة مافي غيرهم بس هم أكيد مستقصديني …
إيش القصة ؟؟ القصة بدأت معي من أول بيت سكنت فيه بالأردن …. كان الحي هدوء و لا إزعاج ولا حفريات … بس أنا سكنت في البيت … من نفس الأسبوع بدأت الحفريات و بناء العمائر يطلع … ويا حبيبي على الصباح لما تكون بعز نومتك و ما تلاقي حالك إلا بتنطنط مع صوت الحفار (الدقاق) ….
المهم طلعت عمارة ثانية قريب من البيت اللي سكنت فيه و المكان و لا أحلى من هيك … بس استأجرت فيها بيت من ثاني أسبوع بدأو بشغل 4 عمائر جديدة حول العمارة اللي سكنت فيها و روحت من الأردن و كانو مخلصين شغل منهن …
و الآن اجى دور جدة …. سكنت في البيت (اللي مش مرتاح فيه بالمرة) ثالث يوم بالضبط اشتغلت الحفريات قدام العمارة صيانة كهربا ولا ماء لا تلفون و الله ما بعرف ايش نوع الصيانة … المشكلة مش هنا .. المشكلة إني بصف سيارتي بعد خمس عمائر وبروح مشي ولسه الحفريات شغالة …. الله أعلم يمكن نهاية الأسبوع أصف السيارة على نهاية الشارع 🙁
راح أدور على بيت ثاني إن شاء الله في حي ما يكون في أرضية فاضية و يكون الحي نظيف و العمارة كمان تكون نظيفة .. و الله تأذيت من هالبيت …
الحالة المزاجية بعدها معكرة … 🙁