حصيلة شهر تقريباً وأنا بأدور على شقة كانت كل الشقق الي دخلتها تقريباً غرفها ما بتتجاوز الـ 4م * 4م …. طبعاً الأسعار من 25 ألف وانت طالع … (في شمال جدة طبعاً) ولا بتلاقي الصالة عبارة عن ممر متر ونص * مترين … وبيقولو عنها صالة …. إيش التصاميم هاي ياااا ….. ولا بتلاقي الصالة كبيرة و الغرف صغيرة …. أو الحمامات (الله يعزكم) متر ونص في متر ونص، وأقل من من هيك كمان …

يعني أحجام صغيرة وأسعار عالية …. والله حرام …

عدا عن ذلك في بعض الشقق بتلاقي السمسار بيقول لك المطبخ راكب … ولما تشوفه بتلاقيه هو وعدمه واحد (يعني لازم تغيره)…

وإذا بتفكر تشتري شقة  (بالأقساط أو عن طريق البنك) هنا قصة ثانية …. لازم يكون معاك على الأقل ثلث سعر الشقة….

عن جد إنه السكن هنا قلق ووجع راس!!! والله صدهت من هالموضوع أشوفكم بعدين

دمتم بود

بسم الله الرحمن الرحيم

من آخر مرة كتبت فيها بوست كان يوم تاريخ ميلادي، بس الوضع مختلف هذه الأيام كثير، خصوصاً مع الالتزامات الخاصة بالزواج، من استئجار شقة أكبر (3 غرف وصالة) و بحث واستقصاء على عفش للشقة من غرفة نوم و طقم كنب و ثلاجة وغاز ولفلفة وقلق التعفيش … الله بييسرها إن شاء الله.

ضايل بإذن الله 3شهور تقريباً على حفل زواجي، وبعدها أودع العزوبة نهائياً بإذن واحد أحد. بس حاسسها 30 سنة والله عشان بدي الموعد ييجي بسرعة. وعندي شغل بالبيت كثير بس ما بأروح على البيت إلا وأنا منتهي بس بدي أكلم خطيبتي وأنام، مجمل عدد ساعات النوم يومياً من 5 إلى 6 ساعات.

حابب أتكلم أكثر بس لهنا بيكفي …

دمتم بود