أروع ما اكتشفته يوم الخميس في جدة
يوم الخميس طلعت على مركز الكورنيش في وسط جدة لأستلذ بوجبة بحرية على الطريقة الشرق أسيوية (بالأصح الفليبينية) بصراحة مطعم (اسمه مطعم الشاولي – يالله عيش يا الشاولي هاي دعاية الك ببلاش) فظيييييع جداً بيقدم المأكولات على الطريقة الشرق أسيوية بجميع أنواعها سواء بحريات أو لحوم مثل الستيك أو دجاج … طبعاً الوجبة دسمة يعني اللي بياكل الوجبة لأول مرة راح يضله 24 ساعة بدون أكل … و سعرها مناسب.
المهم بعد ما أكلت و الحمدلله … طلعت من المطعم لقيت جنبه 4 كراسي مساج … يا ويلي لما الواحد مكسر ونفسه بمساج … المهم غامرت بالتجربة بجد كانت كانت مغامرة ناجحة و روعة … الواحد بيحس بالراحة خلال المساج و بعدها …. كانت المدة تقريباً 10 دقايق … بجد وااو وااااااو واااااااو ..
هذا هو اكتشافي العجيب … بصراحة بنصح كل واحد هلكان ومحتاج مساج بالتجربة … بمركز الكورنيش التجاري الدور الثالث – جنب مطعم الشاولي.
بعدها رحت على أبحر مع الاستمتاع بكاسة القهوة و القعدة بين الناس و خصوصاً اني لوحدي (أخوي يوسف كان يومها مسافر على أبها) … و ما في أحد يقعد معي … بس بيني و بينكم القعدة على البحر متعة بحد ذاتها – بس لو يختفي صوت السيارات و هي ماشية بتكون آخر صهللة و روقان -.
بعض ما يجول بخاطري وأنا قاعد على البحر : في شغلة نفسي أجربها … و إن شاء الله إني أحظى بتجربتها … نفسي أركب السفينة الكبيرة و أتمشى جواة البحر… مع عشاء فاخر على متنها .. لكن للأسف ما بيرضو يطلعو شباب عزاب … لازم عوائل.. بس إلا ما ييجي اليوم اللي أجرب هالرحلة ..
المهم بعد ما أطفش بمارس الهواية العجيبة رقم (9) في 10 حالات حب بس بمشي بالطريق العام المنور … لكن يالله اشي و لا العدم …
تحياتي و دمتم بود