بسس و لا أروع
ذلك الحيوان الأليف عادةً ما يلاقي استلطاف البشر له وحب اللعب معه … بالنسبة من أحب الحيوانات لي و اللي نفسي أربيه هو البس (القطط) ليش ما بعرف .. بس كل ما أشوف بسة لازم ينرسم على وجهي ابتسامة … باعتقاد عجيب إنه هذا البس غبي ….. مع العلم إنه من أذكى الحيوانات و انبهها
أترككم مع بعض الصور اللي لقيتها وتمنيت إني امتلكهم هذول البسس 
أراء القراء:
أضف تعليقك
قلنالك عن البس اللي كان عندي؟ كان اسمه دعبس
كان وليد جايبله الصرع – الله يهديك ياوليد – تقول كان حاطط راسه براس هالبس!
كان يطبق عليه كل اللي كان يشوفه في توم أند جيري
مرة من المرات – كان شباك شقتنا يفتح لبرا ولجوا يعني 180درجة – المهم وليد من الطابق الثاني طلع البس كأنه بدو يرميه فالبس مسكين تشنج وحبس أنفاسه استعدادا للموت فوليد سحب الشباك لداخل الصالة وعلق البس من ايديه الأمامية في حافة الشباك من تحت وجسمه متدلي للأسفل – فكان المنظر ان البس متشنج وواثق تماما انه لو فك ايديه سيقع من الطابق الثاني إلى الأرض وقد يموت – والحقيقة انه لو وقع فالمسافة فقط 50 سم لأرض الشقة – فراح وليد قعد على الكنبة وترك البس على حاله المتشنج وقاعد يشرب شاي ويقول للبس: “ايش مالك يادعبس؟ انزل انزل ياحبيبي لا تخاف – مافيه تحتك حاجة” ههههههههههههههههههههه أقسم بالله تقطع بطني من الضحك على حركة هالسفاح وليد
وكنت أنا دايما اللي أنقذ البس هذا من أنياب وليد
ومرة من المرات راح وليد جاب ضفدع والا جرادة مش عارف من وين وقال هذا عشان دعبس يتسلى فيها – فتفاجأنا ان دعبس أول ما شافها صابه الرعب وخاف وصار يهرب منها بطريقة فظيعة – المهم وليد عرف نقطة ضعف هالبس المسكين وصارت شغلته وعملته يجري ورا البس بالجرادة (يمكن ضفدع والله ماني فاكر)
على فكرة دعبس هذا بيشبه اللي في الصورة الثانية فوق اللي في الكاسات اللي على الشمال
انت وينك ياسامي؟ اتصلت عليك وعلى البيت – جوالك مسكر والبيت ما أحد رد! وينكم؟
سامي بدي أسألك جبتلي الصورة اللي طلبتها منك قبل فترة لعمي؟
تحبب البسس ؟؟
ماحب الحيوانات ولا شئ منهم
خصوصا البسس
شلون تحبونهم
بس يللة معليه قطوة ولا كلب …
بس انتبه لاتشتري وحده وتربيها ترى قرررف
صور جدا جميلة ..انا عكسك تمام ما احب اربي اي نوع من
الحيوانات مهما كان ..الشي الوحيد اللي ممكن اقتنيه هو حوض
السمك
مادري وش صار بالتعليق اللى فوق
بس كنت بقول وش القصة اول شئ دخلت مدونتك عن البسس (القطط)
ورحت مدونة شخابيط ولقيتة كاتب عن البسس ؟؟
موضه ؟؟
اذا موضه بنزل زيكم بوست خخخخخخخخخخخ بس بدبرلي موضوع
الله يرحم دعبس (المغفور له بإذن الله)
تراهم حلوين بس قرف وقرقعه
وشوف ما أغباهم في الصورة رقم 4 مفكر حالو أرنب
هلا اخوي سامي
عاد انا اكره حيوان عندي هي القطاوة واذا شفت لي قطو في الشارع اقرب حصاة على قلته
وش فيهم الضبان يعني
وين سامي ؟؟
راح يدور لة بسة يشتريها
عندنا بحديقة بيتنا قطوة مسببة لنا ازمة وطيبة مسكينة لما نطلع تيجي جمبنا انا ماحبها ؟؟
ارسلها لك ..؟؟
يوسف
كتبت الموضوع هذا و انا قاعد بترحم على دعبس العجيب …. وكنت أتذكر البس اللي كان عندك أيام عرب نت و الحارس اللي تمزع ثوبه و اجالك يحكيلك قصته حياته مع البس
هههههههههههههههههههههههههههههههههههههه
بس كل البسس كوم و دعبس كوم ثاني الله يسامحه وليد
بعتت لك الصور …. شفتهم ؟؟؟
تحياتي يا يوسف
مضيعة
يا حرااااااااام عليكي في حدا ما بيحب البسس ؟؟؟
هذا كيف لو حكيتلك اني أسبوع ربيت كلب (جرو) و كان من أروع الكلاب اللي بيسمعو الكلام
هاد ايش قصته كنت بتمشى مع صاحبي بالشارع الرئيسي هنا بالأردن ما لقينا إلا هالجرو ماشي جنبنا فوقفنا و مسكناه وهو أهبل ما سوى اشي المهم بنتطلع لورى لقينا صاحبته واقفة و بتتطلع رجعنالها حكينا معها الكلب هاد الك قالت النا اه بس اذا بدكم اياه خذوه و احنا ما صدقنا خبر قطنا المشوار تبعنا و رجعنا على البيت بالكلب و اخذناله اكل و اكلناه و سميناه (ريكي) و ربطته بحبل غسيل ازرق و تركته و سوينا له مكان ينام فيه و اشي دلع ….
هههههههههههههههههههههههههههههه
وسوينا له حمام و نظفناه بالشامبو و نشفناه و استشوار
المهم قعد عندي اسبوع كسر ميزانيتي ما بياكل الا لحمه لانشون (ابن عز )
طبعا كنت اخذه معي في طلعاتي و طشاتي ….. بس كان هبيلة على الاخر
وكان يسمع الكلام بشكل مش طبيعي احكيله ريكي تعال ييجي…. ريكي روح يروح …. وقف على رجلين يوقف ….. نام ينام …. بجد كان فظيع
مرة حكيت لواحد من الشباب غير اللي كان معي انه انا و اياه نتضارب قدام الكلب و فعلاً بس شافنا مسكنا في بعض اجى الكلب و نط على الشب و صار ينبح عليه (بجد وقتيها اجاني شعور غريب جداً اتجاه الكلب ويا الله فعلاً إنه وفي)
فلما قررت اني اتخلص منه …. المحاولة الاولى بائت بالفشل …. و الثانية نجحت
طبعا كان مشوار جامد شوي …. بس سبحان الله اندل على البيت و اجى
الاولى رحت معاه على الحارة اللي جنب حارتي و تركته و روحت …. بعد ساعة لقيته قاعد على باب بيتي يعوي
المحاولة الثانية حطيته بخيش تبع رز بسمتي و رحت فيه على مكان ما اخذته منه و حطيته هناك و اخذت تاكسي و روحت طبعا كنت شايفه قاعد بيركض ورا التاكسي لكن ما لحقنا يا خسارة (بجد حز بخاطري اني تركته لكن ما قدرت على العناية فيه)
يا الله كم اتمنى اني اشوفه هالكلب من كثرة ما هو رائع ..
محمد بن سالم
تخيل مع حوض السمك قطو غبي يحوس الدنيا عشان يصيد له سمكة
منظر اجرامي
منور يا اخوي
وليد
هسّه صاروا قرف و قرقعة الله يستر على مكنسة القش اللي كنت تنظفها بدعبس
منور بقوة يا وليد
أخوي مساعد بس أحلى شي ترمي الحصى على البس و هو مشغول بشي أو مش منتبه لك خخخخخخخخخخخخخخخخخخخ
ويا حبذا يكون قدامه مويه و تايد ……. تشوف التفحيط على أصوله
الضبان يا ويلي عليهم بمضغوط ضبان ….. شيييييييييي
تحياتي أخوي مساعد
ههههههههههههههههههههههههههه
والمهم
وين دعبس اللحين ؟؟
مش ناوي يفتح له مدونة
دقيقة
دعبس كان عند وليد متاكد يايوسف
اخاف انه كان عند سامي بس مستحي تقول
عادي عادي قول ندري ان سامي شرير مو شئ غريب
لان كل واحد اسمة وليد لازم يكون طيب ..
بس بصراحة اشتهيت اشوف دعبـــــس هههههههههههههههههههههههه
ايش يعني دعبس ؟؟ اسم غريب خخخخخخخخخخخخخخخخ
*سامي
لية رميت الكلب ؟؟ كان بعتة احسن على الاقل احد يربية
ولاترمية كسر خاطري
بس انا ماحب الحيوانات بقولك احسن
وعلى فكرة المكان اللى فيه كلابة ماتجي الملائكة ..
^__^
ههههههه , حلوة قصص دعبس
أنا كنت مربي قط , على ما أذكره كان اسمه (بيكاتشو) لانه كان أهبل وشكله قريب جدا من شكل بيكاتشو اللي بيجي في أفلام الكرتون ,, وفي قصة تذكرتها عن هذا القط , وراح أموت من الضحك لو ما كتبتها , القصة باختصار , انه هذا القط جبته عندي وكان صغييييييير عمره أقل من أسبوع (او بالأصح أهداني إياه واحد من الشباب) , المهم , انا ما كنت أعرف إيش لازم البس ياكل , وهو كان صغير ومش فاهم الطبخة , فكنت أحط له في الصحن نفس أكلي , فكان ياكل رز ويشرب بيبسي وفاصوليا وملوخية و حتى الشبس (البطاطس) كان ياكله , والفواكه طماطم , خيار , ……… , بالعربي كان بياكل أكل بني آدمين , مش أكل بسس
المهم , مرة من المرات كنت بدي أسوي تجربة , كنت بدي أشوف اذا البس بيعرف يسبح والا لا ؟؟؟ (سؤال غبي) !! طبعا المعروف أنه البس بيكره الماااااء , المهم , كان عندي صطل كبييييييييير بيكفي بني آدم , عبيت الصطل كااامل موية , وحاولت أخلي البس ينزل بالقوة في السطل , طبعا النتيجة أنه رفض بشدة , وانا حاولت انزله غصب , فأدي الى ان يد البس انكسرت , وصار يمشي على ثلاث رجلين !!! واحد من الشباب حزن عليه وقرر انه ياخذه عند للبيت (فترة نقاهة لما يرجع طبيعي) , انا وافقت , قعد البس عند صاحبي 3 اسابيع مبسووووط وكل يوم أكل وطبايخ على كيفك (حتى أهل صاحبي استغربوا كيف بس بياكل طبيخ !!! ) إلى أن جاء اليوم الأسود !! بتعرفوا التفاحة اللي طلعت آدم من الجنة ؟ في كمان البسبوسة اللي طلعت بيكاتشو من الجنة
(البسبوسة نوع من الحلويات) , أبو صديقي كان جايب معه حلويات , وبيكاتشو راح قفز على الطاولة , ومسكه أبو صاحبي وهو حاطط راسه في صحن الحلويات وقاعد ياكل 
جد بس معاق , طبيخ وآمنا بالله أما ياكل حلويات (كبيييرة) , فتم طرد بيكاتشو بقرار إداري من أبو صاحبي , ورجعوا عندي للبيت , طبعا لما شافني خاف وارتعب (وقال انا ايش رجعني للعذاب ) بس ما طولت الحالة , شرد من البيت بعد اسبوع 
تحياتي\
فـــــــــــــــــــادي
ماشي صح ….
الله اللي بيعلم دعبس بأي مصحة نفسية حالياً ….. من ورى وليد !!!
ههههههههههههههههههههه أو قاعد بيدور على غدد (وليد بيعرفها خخخخخخخخخخ)
دعبس ما فتح مدونه …. حالياً بتلاقيه بس معتوه بيمشي بالشارع و بيحكي عوووو عووووو …. ناسي كلام البسس
تحياتي و تقديري
مضيعة
انا اللي بجاوبك ….دعبس ما كان عندي صدقاً …..
لو كان عندي ….. يا حرااااام شو كان سويت فيه ؟؟؟؟
بس الله رحمه ووقعه بإيدين أخوي وليد
خخخخخخخخخخخخخخخخخخخخخخخخ
اسم دعبس هذا قصة عجيبة :- كان بالحارة عنا في السعودية و احنا صغار ولد ييجي يلعب كورة و كان اسمه عبدالرحمن بس كان وجهه شي غريب و كان دايماً ينضرب من عيال الحارة و كانوا مسمينه دعبس وفعلاً انشهر بالاسم هذا لدرجة انه اخر فترة ما حدا كان يعرف انه اسمه عبدالرحمن …..
و كان في واحد ثاني مسمينه (حشّووووور) ههههههههههههه
كنت ناوي انزل صوره الي و انا ماسك (ريكي العجيب)..
بس قلت بلا منها
تحياتي مضيعة
يا حيا الله فادي :
(الجوع كافر)
ايش هذا (بيكاتشو ) حششت عليه و هو بياكل بسبوسة …. يا حرااااااااام
على فكرة كان دعبس يتشاطر على وليد و يتغلى على الاكل اللي يقدمله اياه (من طبخ يوسف طبعا كبسة بامية ملوخية معكرونه مقلوبة)
بس كان وليد انسان رقيق جداً معاه ويتعاطف معاه و يخلي الاكل قدامه عجبه عجبه ما عجبه نهايته ياكله غصباً عنه
إلا عن جد يا فادي …. طلع بيعرف يسبح و لا لأ ؟؟؟؟؟
هههههههههههههههههههههههههههههههههههههههه
إذا لساته موجود عندك وديه على مركز وليد الرياضي …. لأنه دعبس كان اياميها يسوي ضغط على ايديه 50 مرة مع وليد و الله العظيم انه هذاك البس هلوس من ورى وليد
تحياتي يا فادي
ههههههههههههههههههه أعجبني هالموضوع والتعليقات فوق ما تتصور ياسامي
مضيعة بيتهم ذكرتني فيه – بواحد من ردودها في مدونتي
ماشي صح – أنا سافرت من الأردن وتركت دعبس مع وليد ولما سألت وليد عنه بعد سنة تقريبا قالي انت بعد ما سافرت هرب من البيت ودمعته في عينه هههههههههههه
مضيعة بيتهم: انت مسكينة والله لسه ما عرفتي وليد السفاح “اللي كاتب فوق تعليق بإسم welo” وحنانه على الحيوانات وخصوصا دعبس – والله سوا اللي ما سواه جيري بتوم
ما حبالغ لو قلتلك انه مرات كانت تنزل دمعة دعبس والا كان يضرب عن الطعام من القهر – بس انا الحمد لله كنت الوحيد اللي جابر خاطر هالبس في البيت – كنت محسسه بحيوانيته!
لاحظي من تعليق وليد (Welo) كيف نظرته للبسس؟ كيف شاف وإكتشف غباء البس اللي جنب الأرنب وإحنا وحتى سامي نفسه يمكن ما انتبهلها!
بقلكم سفاح ما بتصدقوني
مساعد والله ذكرتني بالبس اللي كان في الحاوية ورميت كيس الزبالة فجأة فمن الرعب والله تقول صاروخ طار لفوق 10 متر ووقع في السطل كمان مرة “لخبط مسكين” ههههههههههههههههههههه
فادي ههههههههههه حلوة البسبوسة اللي طلعت البس من الجنة هههههههههه
فكان يجي يقولنا هو الحيوان ابن الحيوانة نيوتن هذا لما وقعت التفاحة على راسه ما عرف ياكلها ويحمد الله ويسكت؟- هو لازم يقرف أهلنا لليوم بهبله وقوانينه؟ لعنة الله عليه!
ذكرتني بواحد صاحبي كان متعقد من مادة الفيزيا سنة أولى جامعة
اسمع فادي
ذكرتني بقصة كنت متوقع سامي يكتبها بس الظاهر انه حب يغطرش على الموضوع – هذا زمااااااان كان عنا حوض سمك كبير وكان فيه يعني تقريبا 20-25 سمكة وكان أبوي يشتريهم من أغلى الأنواع والأشكال – وكالعادة كانت أمي – الله يحفظها – تحط السمك في سطل وتنزل الحوض وتنظفه وتغسله وتغسل حجاره وعدته
“ما كانوا اكتشفوا سمك الزبال أيامها”
المهم راح سامي من فرط الذكاء مسك باكيت التايد “صابون” وكبه كله على سطل السمك فمات كله مع ان امي حاولت انتشال السمك اللي بينازع والجثث قدر المستطاع بس مات كله في لحظتها وطبعا كلنا في البيت زعلنا وحزننا على السمك – وكانت حجة سامي انه بدو يساعد أمي ويغسل معها السمك!! وكان هذا اليوم آخر عهد بيت أهلي بالسمك
وبتقلي كنت بدك تعرف اذا البس بيسبح والا لأ؟ مرة برضو سامي مرة حب يعمل نفس اكتشافك – بس كانت التجربة على عصفور – حسون – غطسه في صحن المية وكانت المرة الأخير للعصفور اللي شاف فيها الماء! الله يرحمه
- بالنسبة لاسم دعبس زي ما قال سامي – بس الغريب كان بالنسبة لي لما سمعت رجال كبير شايب بينادي من آخر الشارع دعبس دعبــــــــــــــــــــــــس “بصوت عالي وصراخ” – وأول مرة أسمعها في حياتي – وأنا ماخليت زاوية في الدنيا إلا قعدت أحاول أدور وأكتشف هو بيصرخ والا بينادي علي ايش – المهم في الأخير طلع بينادي على ابنه
فأعجبني الإسم!
سامي ذكرتني بـ”دودي” هذا الكلب اللي كان عندي برضو كان وليد قالبه عنز
بس أعجبني انه الكلب كان ما ياكل إلا لحم لانشون هههههههههههههه قلتلي “إبن عز؟ هههههههههههههه هذا كلب إبن كلب”
مش عارف ليش روقتلي مزاجي بهالموضوع هههههههههههه بس في كمان قصة على وليد أقولها؟
ههههههههههههههههههههههههههههههههههه
مرة وليد اشترى “صفيحة” لحم بعجين وأكل قدر طاقته وبقي شوية فأعطاها لبسة في الرياض وكان في الصحن كمان قطعتين ليمون فالبس بحكم الطبيعة أكل اللحم ويمكن لخبط وأكل الخبز اللي تحته – فلما وليد شاف هذا المنظر تقطع قلبه مسكين وقال يمكن البس ما شاف الليمون – فمسك البس وكتفه تماما وقعد يعصر الليمون في فمه
ولك أن تتخيل كيف شكل البس وهو بيتعذب “زي الطفل لما تشربه أمه دوا الكحة”
المهم وليد ارتاح قلبه لأنه عشا البسة عشا محترم زي اللي بيحبه لنفسه
ههههههههههههههههههههههههههههههههههههههههههههههه
الله يقطع شيطان ياوليد قطعتلي بطني
والله لازم نوصل المعلومات هذه لخطيبتك من باب الأمانة – يمكن تعيد النظر!
ياسفاح
و الله العظيم انه تقطع بطني من الضحك
الله يسامحك يا يوسف
والله سوا اللي ما سواه جيري بتوم (تشبيه بليغ)
قلتلي كنت محسسه بحيوانيته ….. ههههههههههههههههههههههههه
انا انتبهت لتعليق وليد باكتشافه لغباء البس ….. و وقتيها قلبت ضحك و ما قدرت ارد من الضحك …. انا متخيل منظر وليد و هو بيحكي لي اكتشافه العظيم هذا هههههههههه …
و الله يا يوسف إنك لاقطني وكاشفني عن جد ….. شو بدك اياني افضح غبائي المستعصي و انا صغير بغسيل السمك و تغطيس العصفور … بس اصحح لك المعلومة اهلي راحو ينامو و انا تفالحت و قلت اغسل السمك من ريحته الزفرة و بس صحي ابوي وشافني صرت ابكي له و اشكي له انه نظفت السمك و مات و بطل يتحرك وبعدين كنت افركه بليفة الجلي
أمّا دودي كنت بدي أخليك تحكيلنا قصة دودي و الجمل بس نسيت والله يا الله مادام انك اجيت احكيلنا اياها …..
على حكاية الصفيحة ههههههههههههههههههههههه هاي أكيد جديدة مادام في الرياض ؟؟؟؟ لا علم لي بها
بس من جد انه وليد سفااااااااااااااااااااااااااااااح
عجبتني التهديدات الصريحة (والله لازم نوصل المعلومات هذه لخطيبتك من باب الأمانة – يمكن تعيد النظر!) ….. قلتلي من باب الأمانة ؟؟؟؟؟
وليد كم تدفع و ما نحكي لخطيبتك ؟؟؟؟
حاسس الأفكار الشيطانية بتطلع بغزارة من عندك يا يوسف …..
هع هع هع هع هع هع
آآآآآآآآآآآآه يا يوسف ….. قطعت لي بطني
هههههههههههههههههههههههههههه
ياجماعه واحد ينادي وليد
ممكن جالسين تفتروا على البني آدم عشانه مش موجود
وبعدين وليد أكيد عنده فضايح ثانية
والله لأناديلك اياه ياماشي صح – شوف اليوم رد منه هنا – وإذا ما رد – يعني عمل حاله مش داري وهو والله داري
لحظة
جاري الإتصال….
ما بيرد….
ما بيرد….
ما بيرد….
رد رد!
بلغته الرسالة..
قالي طيب
كمان شويه بدخل المدونة
سلام سلام
طبعا انا وليد اللي فضحونا فوق
بعد هذا الكلام حاسس أنو لازم أغير أسمي من ويلو إلى وليد السفاح
لكن قبل هيك لازم أحكيلكم قصة عن يوسف الرحيم بالحيوانات
هذا يوسف مرة شاف أرنب بيحتضر (يعني شارف على الموت)
فأخذته الرحمة به فقرر أنو يريحو من عذابه وقرر ذبحه (مع أنو محرم دوليا قتل أي مريض حتي لو كان بداعي الشفقة)
فأسرع الى المطبخ وجاب سكينة فواكة (سكينة منشار)
وبدأت عملية ذبح الارنب اللي اتمني انو يموت دعس تحت كفر تريلا مبنشره أرحملو
فمين فينا السفاح
وبعدين قاعدتي الذهبية إذا أنا ما عذبت الحيوانات مين يعذبهم
واللي كنت أسويه في المغفور له دعبس كنت بدربوا عشان يشارك في الدورات الاولمبية ويحصل على الذهبية ويرفع رأسنا
ثانيا كنت بحاول اثبات انو البس (القط) حيوان لاحم وممكن ياكل فلافل كمان او اي شيء ممكن ينحطلوا
وبس
بلاش أطول عليكم
ماشي صح
ههههههههههههههههههه كل اللي حكينالك اياه عن وليد ومفكرنا بنتبلى عليه
يعني انت مش عارف بقصة غرندايزر معي …. (معتقدات الطفولة)
لسه وما خفي أعظم ….. كويس إني عايش من وراه لوليد
خخخخخخخخخخخخخخخخخخخخخ
طيب اسمع مرة سوى فيي فلم ابن لذين :
….. طبعاً امبير الضغط ارتفع عندي و بدي اروح اتقاتل معاه ….. رحت عليه فما اعطاني اي اهتمام ….. طلع الأخ ناسي اللي مسويه فيي و انه لاطعني نص ساعة في الحمام ….. وبعد فترة تذكر عملته السودا و قلب على ظهره ضحك …. وقتيها حسيت حالي أهببببببببببببببببببببببببببببببببل بقوة كمان
مرة والدتي حكت لوليد روح ركب دولاب خشب بالحمّام …. اوكى ياما … تعال يا سامي ساعدني …. و رحت معاه أساعده انا ارفع الدولاب فوق راسي و ماسكه بإيديي وطبعاً كان ثقيل جداً عليّ ….. و ليد يقول لي اصبر شوي وهو شغال بالدريل للتخريم في الحيط و تركيب المسامير ….. المهم أخينا بالله قالي اوعى تتحرك بس بدي اروح اجيب شغلة و ارجع (كأنه حكالي بدو يجيب شاكوش) و أنا زي الهبيلة طيب المهم مرت عشر دقايق وليد ما اجى ….. مرت ربع ساعة وليد ما اجى…..مرت نص ساعة وليد ما اجى ….. وانا حامل الدولاب فوق راسي و ماسكه و خايف يتحرك …… على جيّة والدتي بتقولي مالك ياما … فحكيت لها وليد راح يجيب شغلة و قال لي ما تتحرك …… فكانت الفاجعة بالنسبة الي من رد امي ….. حكت لي وليد صارلو من زمان قاعد على التلفزيون و بيشرب شاي
و بتقولي بنتبلى عليه ….
و الله صدق يوسف ….. وليد السفااااااااااااااااااااح
تحياتي
الصورة رقم 1 بتذكرين بشو كنت تساوي بدودي يا يوسف لما كنت تحطوا في بيتو بين الكبن يا يوسف
ياوليد هذه القصة اللي كتبتها عني (ذبح الأرنب بسكين منشار) كنت في الأول إبتدائي إذا مش أقل – أما انت عمايلك كلها في دعبس وسامي وفي العيلة كلها وغيره وانت في التوجيهي والجامعة – ممكن أكون أنا غلطت – بس انت سفاااااااااااااح
الله يقطع شيطانك ياسامي قسما بالله سطحتني من الضحك هههههههههههههههههههههه
ههههههههههههههههههههههه
ههههههههههههههههههههههههه
هههههههههههههههههههههههههه
الصورة رقم 1 بتذكرين بشو كنت تساوي بدودي يا يوسف لما كنت تحطوا في بيتو بين الكبن يا يوسف
(قصدك الكنب)
إنت بتحاول تطلعني مجرم زيك؟؟ لا ياحبيبي – مش ممكن
بلاش أكتب قصة تعديل فقرات سلسلة الظهر في رقبة دودي!
هههههههههههه
اكتب مش هاممني
فضحتنا في هالمدونة
وشغلتنا معاك
[...] سامي منصور يعلن عن إنضمامه إلى جمعية بساسنا العالمية لمحبي [...]
شكلها حلوة بالذات اذا كان لونها ابيض ، بس مااقربها لو ييصير وشو
والله اسكتي يا بنت الروح امبارح كنت ماسك بسة صغيرة ببيضا و عليها بني فاتح بتجنن بس للأسف ما طولت في إيدي —–> إجت امها و صارت تبخبخ لي و انا قلت يا كريم حط رجلك يا ولد
والله ما فيها مرجلة و بعدين بيقول لك (الهرب ثلثين المرجلة)
انتظرونا في مغامرات اخرى مع بسس هومليس على قولة حلا بزيادة
تحياتي و تقديري
بصراحة الموضوع ،
لم أتمالك نفسي من الضحك ، خاصة والأخ يوسف يسرد مغامرات وليد مع دعبس ,,
الله يسهل عليك يادعبس …
أيام
هبة الأغا
هههههههههههههههههههههههههه
والله لو تعرفي وليد على حقيقته و قصصه اللي ما بتخلص ….
الله يرحمك يا دعبس
بس ما حكيتي لنا شو وضعك مع البسس ؟؟؟
منورة
نحن والبسس جيران …
لما انتقلت للدراسة في احدى الدول العربية
طبعاً السكن كلو بسسسس ، فرجعوني لأيامي القديمة .. لما كنت أجري وراهم وأنا صغيرة ، والماما تقلي لاتجيبيهم البيت ، بدك روحي نامي معهم برة
طبعاً بس الواحد كبر بطل يحب لا البسس ولا البشر
لكن بتضل الها معزتها مهما دار الزمان ، كيف لا وهي صديقة الطفولة !!
ههههههههههههه
” 
ياناااسو ع البسبوسات مره احوبها
بس بابا مو راشيلي اربيها يقول ” وسخه وقذره ومضره
بس بنت خالتي الصغيره عمرها(9 سنيين) بتعشق حاجا اسمها بسه
وكل ماتجيب بسه خالتي تشردها بدون ماتدري ههههههههه
بس احلى موقف ليها مع البساس انو كان عندها بسه اسمها ( كيارا )
مره شقيه مره حركاتها لزيزه
شردت دي البسه من البيت لانو كانت مره شقيه بس بتشوف الباب مفتوح بتخرج منو ع طول
فداك اليوم شافت الباب تبع الحوش مفتوح وخرجت ومارجعت بعدها
سارت بنت خالتي لما تسمع اغاني حزينه بتبكي
اللي بيشوفها بيقول عشقانا هههههههههههههههه واكتر اغنييه بتفكرها بكيارا
هيا اغنيية شيرين
كنت عارفا انك حتبعد..كنت عارفا انك اناني..كنت بادحك على نفسي يمكن..القى فيك فرحة زماااني
ههههههههههههههههه
بس بجد احوب البساس ودحين خالتي جابتلي بسه هديه يعني وسميتها(كاشالوكا)<<- اش معنااتو لاتسألوني
يبغالي انزل بلوق واوريكوم صورها
^^
ساامي ترى اللي جوات الكبايه جننوني
بشبوشة
انتي كيف وصلتي هنا على هذا الموضوع ؟؟؟ معقول قرأتي لحد ما وصلتي هنا ؟؟!!!
اما بنت خالتك نهفة
لو انه حبيبها ما عملت هيك ….لووووووول
الا صحيح كيف اجى على بالك اسم (كاشالوكا) لو أقعد مية سنة ما بيخطر على بالي انطق هالكلمة …
نورتي يا بشبوشة
ههههههههههههههههههه
انت عارف
انا بس لمحت حاجا اسمها بسس ف على طول دخلتلو هههههههههههه
<<- اختصاص تنبيش لووول
وامممما بخصوص كاشالوكااا امممم ترى انا بالعيله اسميلهوم الحيوانات مسلن السولحوفا حقت اختي ميشا انا سميتها (( كنتوشا )) بس خالتي قالتلي انو الكلمة دي معناها بطال باللهجه المغربيه هههههههه
وكاشالوكا مني عارفا كيف جا فبالي بس طلع لزيز عليها ومره لايق على شكلها
وكمااان اختي مشاعل انا بادلعها((ميشا كلابيشا)) ومازن (( ماتوني ))
وكلها مالها علاقه بالاسم بس لازم اخرف شويتيين لوووول
واطلع مواهبي عليهم
^^
والنور نورك ياعمي
هههههههههههههههههههه عجبتني اختصاص تنبيش
المهم انه يكون بالاسماء كاف وشين و الف
لوووووووووول
تحياتي
البسس الي بالكوووب يهبلون روعه خيال مناظر من جد بريئة مشششششششكور
جواهر
ومرورك كمان روعه
تحياتي و تقديري
عن جدبيعقدوا
و سامي لو مره اضحك هيك مغامرات بتجنن
بس ما توقعت في مجرمين لهااد الدرجه
يعني الهم حق احيوانات ينقرضوا من الدنيا
بالزات البسس
الله يرحمه دعبس
يسلمووووووووووووووووووووووو
يافا الحزينة
هههههههههههههههه لا في مجرمين
الله يسلمك
تحياتي و تقديري