أهلاً بووردبريس 2.3.2
فترة انقطاع من حد ما روحت من أبها على جدة … لا أخفيكم أصابتني حالة غريبة نوعاً ما … ما لي نفس أعمل اشي … مابعرف ليش !!! يعني من هالحالة استلمت جدة من شمالها لجنوبها وكل مرة أروح من طريق غير الي مشيته باليوم اللي قبل … و على هالحال … بس الحمدلله تحمست اليومين الماضية ونزلت نسخة وورد بريس انجليزية وتشغلت فيها و عربت القالب الأصلي الخاص فيها لكن لسه فيه شوية تعديلات مع الفايرفوكس الي مش راضي يضبط معاه … لكن هو مع الإكسبلورر شغال حلاوة … مش عارف إيش الحل مع الفايرفوكس … بس إن شاء الله إنه يضبط معي 🙂 .
والحمد لله حولت المدونة للنسخة الأخيرة الانجليزية وهي بجد أحلى من النسخة العربية بكثير لأنه المميزات في الانجليزية أكثر يعني أقل مثال إنه في مميزة الكلمات المفتاحية وهاي مش موجودة في النسخة العربية .. غير الثبات في تصميم لوحة التحكم … يعني كلمة معاينة في النسخة العربية كانت تظهر لي في مربع اختيار التصنيفات لكن مع النسخة الانجليزية بتظهر مكانها تحت خانة العنوان … وفي شغلات ثانية لاحظت فرق كبير بينها و بين النسخة العربية … بس بيني و بينكم الله يعطيهم العافية الشباب اللي عربو النسخة العربية (سوار و سردال – على حسب معلوماتي ما بعرف إذا في شباب شاركو بالتعريب -) بكل الأحوال الله يعطيهم العافية و ما قصروا.
وفي شغلة ثانية عجبتني كثير في لوحة التحكم بقسم الإضافات (Plugin) لما همّيت بتفعيل الإضافات اللي بستخدمها على النسخة العربية … طلعلي رسالة تحت ثلاث إضافات إنه في نسخ أحدث موجودة ومحطوط رابط التحميل … طبعاً نزلتهم و عربت اللازم فيهم و ركبتهم …. اللي عجبتني ميزة جديدة في إضافة مكافحة السبام (anti-spam) فيها ميزة جديدة إنه لما تضغط على الصورة بيفتح ملف صوتي و بيحكي فيها الأحرف مقتبسة مع كلمة مستخدم فيها الحرف يعني كلمة (FIRE) بيحكي (F for Father – I for Internet – R for Rabbit – E for elephant).
الشغلة الطريفة اللي حصلت معي اليوم بعد ما عدلت شغلات كثير بالنسخة الأخيرة (2.3.1) وجهزتها وكل اشي تمام التمام … ورفعتها على الموقع علشان أجربها قبل ما أحطها مكان النسخة العربية … أنشأت لها قاعدة بيانات و نصبت المدونة و كل شي تمام بس طلعت لي رسالة نكدت عليّ وقتها مفاد الرسالة إنه تم إصدار النسخة (2.3.2) من 8 ساعات …. 
… فعشان أواكب النسخة الأخيرة نزلتها و سويت عليها التعديلات اللي محتاجها مبدأياً .. و الحمد لله أنا الآن استخدم النسخة الأخيرة (2.3.2) .
بشرى سارة لكل اللي طلبو مني إني أغير القالب اللي مستخدمه حالياً …. راح أغيره هاليومين حالما يطلع الهيدر من فرن الفوتوشوب …
بما إنه أغلب الموضوع عن المدونة و الإضافات … في ثغرة بإضافة (Wordtube) بتفتح منافذ بالموقع وبيكون سهل اختراق الموقع بالكامل من هالإضافة … فاللي مركب الإضافة هذه يحذفها و يستغني عنها باستخدام إضافة (embedded-video) ..
هاي كل الأخبار اللي عندي حالياً …
دمتم بود…